ابكي الاني احبه

أبكي على أطلال الهوى وين ما كان..
وشربت من كاس الهوى أشكال وألوان..
ولقيت أنا الحرمان مر ٍ مذاقه..
تضحك لي الأيام والوقت خوان!!
لين الصدر من كثر الأحزان ضاق
ضاعت حياتي بين لوعه وحرمان
والبعد جرحه يا ملا ما يطاق
عجزت أدور للهنا بين الأوطان
وأتعبت قلب بالفرح كان هاقي
ياما حلمت أنسى مواجيع الأزمان
وياما تمنيت الوصل والتلاقي
وينك؟؟ ترى القلب ولهان..
تكفى.. عود لي لا يزيد اشتياقي
"إنت وانا بالوصف وردة وبستان"
الماي دمي والعروق السواقي